Clcik to enlarge

नमस्कार मंडळी,

श्रावण महिना लागला की आपल्याला आपल्या लाडक्या बाप्पाच्या आगमनाचे वेध लागतात. मन उत्साहानं भरून जातं. आरास काय करायची, नैवैद्याला काय करायचं, रांगोळी कोणती करायची एक ना अनेक…!

आमच्या लहानपणी वाड्याचा, सोसायटीचा असा एक सार्वजनिक गणपती असायचा.

मग त्यासाठी वर्गणी गोळा करण्यापासून ते डेकोरेशन, रांगोळ्या, विविध स्पर्धांचे आयोजन, विविध गुणदर्शनाचा कार्यक्रम या सर्वांचे आयोजन आम्ही मुलं अगदी उत्साहाने करायचो....

माझ्या वाड्यातील अंगणात काढलेल्या रांगोळीपासून ते MMD आणि BMM ला काढलेल्या भल्या मोठ्या रांगोळ्यांपर्यंत…. सोसायटीच्या गणेशोत्सवाच्या आयोजनापासून ते आज MMD च्या अध्यक्षीय जबाबदारीपर्यंतचा प्रवास मागे वळून बघताना अचंबित करणारा वाटतो.

लोकमान्य टिळकांनी सार्वजनिक गणेशोत्सवाची सुरुवात केली ते लोकांमध्ये एकोपा, एकजूट होऊन जनजागृती होण्यासाठी… आजही साता-समुद्रापार आल्यानंतर मराठी मनं एकत्र आणण्यासाठी सार्वजनिक गणेशोत्सवाने मोठीच किमया केली आहे. या निमित्ताने महाराष्ट्र मंडळाशी आमची नाळ जोडली गेली ती कायमचीच…!

गेल्या २० वर्षांत मंडळ खूप मोठं झालंय. भारतातूनही बरेच कार्यक्रम येत असतात. मंडळ कितीही मोठं झालं तरी स्थानिक मुलांच्या कलागुणांना वाव देण्यासाठी आपण गणपतीला मुलांचे कार्यक्रम आवर्जून करतो. त्याप्रमाणे यंदाही आपले सर्व बाल-कलाकार घेऊन येत आहेत एक रंगारंग कार्यक्रम “सुखकर्ता”!!

आणि याचे सूत्रसंचालन करताहेत आपली युथ कमिटी! याशिवाय आपले ढोल-ताशा-लेझीम पथक बाप्पाच्या वाजत-गाजत येणाऱ्या मिरवणुकीसाठी सज्ज आहे. तरी आपण सर्व त्यांच्या कलेला मनापासून दाद द्याल यात शंका नाही. “सुखकर्ता” कार्यक्रमासाठी आमचे सर्व कार्यकर्ते कसून काम करताहेत. डेकोरेशन टीम अगदी हटके आरास होईल यासाठी धडपडत आहे. फूड टीम तुमच्या आवडत्या पुरणपोळीच्या मेनूसह स्वादिष्ट भोजनाची सोय करत आहे. स्वागत टीम आपल्या स्वागतास उत्सुक असेलच. आपल्या लाडक्या बाप्पाचा ”सुखकर्ता” कार्यक्रम निर्विघ्नपणे पार पडेल यात शंका नाही.

म्हणता म्हणता मंडळाचा 2019 मधला हा पंधरावा कार्यक्रम!

“रसिका तुझ्याचसाठी” या मालिकेचे आपण ३ वेगळे आणि हटके कार्यक्रम सादर केले. स्पोर्ट्सचे प्रोग्रॅम्स, मुलांसाठी फोर्ड फॅक्टरी टूर आणि “आरोग्यम् धनसंपदा” (Health is wealth) ही नवीन मालिका आपण यावर्षी चालू केली; याच्या अंतर्गत योगाथॉन आणि डॉ. दीक्षित यांचे “Effortless Weightloss and diabetes prevention“ यावर lecture आयोजित केले होते. त्याला आपण भरभरून प्रतिसाद दिलात; त्याबद्दल धन्यवाद! याच मालिकेतील ५ K वॉकॅथॉन १५ सप्टेंबरला आयोजित केले आहे. तरी सर्वांनी यात भाग घ्यावा ही विनंती!

यानंतर आपला कोजागिरीचा कार्यक्रम २८ सप्टेंबर रोजी होत आहे. यासाठी भारतातून श्री.चारुदत्त आफळे हे त्यांच्या खास शैलीत श्रीकृष्ण कीर्तन आणि संगीत नाट्य-छटा असा अत्यंत वेगळा कार्यक्रम घेऊन येत आहेत. हा कार्यक्रम भारतात तसेच अमेरिकेत लोकप्रिय ठरलेला आहे; तरी चुकवू नये. आपला यंदाचा दिवाळीचा कार्यक्रम १३ ऑक्टोबर रोजी होत आहे. यावर्षी नाटकवेड्या डेट्रोइटकरांसाठी खास मेजवानी घेऊन येत आहे श्री.भरत जाधव यांचे अत्यंत गाजलेले नाटक “पुन्हा सही रे सही”....!

तरी सर्वांनी चांगल्या जागा मिळण्यासाठी ऍडव्हान्स बुकिंग करा ही विनंती.


आमचे सर्व कार्यकर्ते आपापले व्याप सांभाळून मंडळाच्या कामाला वाहून घेत आहेत. त्यांच्या मेहनतीमुळेच आपण असे भरगच्च कार्यक्रम करू शकतो. तरी जाता - येता त्यांच्या श्रमाची पावती द्यायला विसरू नका!!

आपली विश्वासू

सौ. भारती मेहेंदळे,
अध्यक्ष महाराष्ट्र मंडळ, डेट्रॉईट् २०१९
संपर्क: ७३४-६७४-३६८७, bharati.mehendale@mmdet.org


Lakeshore Global
Dhake Industries
Kisbi Travels
ShilpEntertainment
AnandBazar

Community Links
Marathi Learning
ILA
Miindia
MaiFamily
Miindia
If you want to subscribe for MMD mass email, send email to mmofdetroit@mmdet.org with subject "Subscribe"
To unsubscribe from this group and stop receiving emails send an email to mmofdetroit@mmdet.org with subject "Unsubscribe"
© Maharashtra Mandal of Detroit. Send your feedback to admin@mmdet.org